Itay, Tatay, Ama... ilan sa mga katagang ating sinasambit sa tuwing tatawagin natin ang haligi ng tahanan. "Papa" ang tawag naming magkakapatid sa aking ama. Ngunit di ko na matandaan kung kailan ko ito huling nasambit. Nagkawalay kami noong ako ay bata pa. Apat na taon pa lang ako noon.

Minarapat kong dalawa ang ilahok ko sa linggong ito sa LP [dalawin ang ibang lahok sa LP dito...]. Una, ay ang isang batang maaring naghahanap ng kanyang itay. Pangalawa ang isang larawang maaaring mag-esplika kung nasaan naroon ang isang ama.

Pumanaw ang aking Papa sa isang aksidente habang nagta-trabaho sa ibayong dagat taong 1981. Maliban doon, wala na akong matandaan...