Kinailangan kong halukayin ang larawang aking nakunan ilang taon na ang nakararaan upang makalahok sa Litratong Pinoy (nakakaaliw kasi ang mga balitaktakan dito). Salamat sa mabuting administrador sa pagbibigay linaw sa aking katanungan. Salamat din kay Kaje na syang madalas magbigay ng ideya sa akin upang ang aking pananatili sa sapot (web eh!) ay maging mas nakakaaliw.

Heto ako ngayon, nagdurugo na yata ang aking ilong kakaisip ng mga kataga para sa aking unang lahok (LP#2: Tatlo ang Sulok Ko), at ang challenge ("pagsubok" daw ang Tagalog ng salitang ito ayon sa isang kaibigan) ay kailangan sa wikang Filipino o Tagalog ang mga katagang gagamitin mo (kung meron man) sa ilalahok mo.

Kung may nagsumite ng salumpwet na may tatsulok, ang aking lahok para sa linggong ito ay isang likha ng Poong Maykapal na may pwet na tatsulok. Ano ba ang tawag sa kanya? Snail sya sa wikang Ingles, kuhol nga ba sya sa ating wika? Nalilito na ako sapagkat ang alam kong kuhol ay yung bilugan lang ang katawan at sya mong sinisipsip para makain ang laman, samantalang ang aking lahok na larawan ay may tatsulok na puwetan at malamang hindi maaaring kainin (hindi nga ba?).

Readers have left 4 comments.

 1. Untitled
Tin, Unregistered

sa aking pananaliksik, SUSO ang tawag sa tatlong sulok mo mwehehehe para kay joaquin, ang tawag diyan ay "Gary" mula sa karakter na nakikita niya sa Spongebob Squarepants.

maibahagi ko na nga...si J ay maawain sa lahat ng bagay...kapag nakikita niya si Gary sa lalakaran niya, gusto niyang magpabuhat upang hindi niya matapakan ang kawawang nilalang...isang araw, pauwi kami nang may makita siyang Gary, medyo madilim na nuon. Kasunod namin ang aking ama na kanyang lolo sabay sabing: (pasensiya na inglesero si bulilit...)

J: Don't step on Gary!!!!!!!!! Don't step on Gary!!!!!!
Lolo: Hah?!?!
J: I said don't step on Garyyyyyyyyyyyy!!!!!!
Lolo: Whattttttt??? (halatang hindi maintindihan ang slang na apo!!!)

at biglang... ccccccrrrraaacccccckkkkkkkkk!!!! ayun natapakan na nga niya tuloy. dun niya lang naisip kung ano sinasabi ni J :)

<<== mukha ni J matapos marinig ang kahindik hindik na tunog ng pagkadurog ng bahay ni Gary. Wawa LOL!

ay napahaba! ito ay isang artikulo na din mweheheheeh

 Posted 2008-04-14 17:25:23

 2. Untitled
Thesserie, Unregistered

Nakakatuwa naman, pwet na tatsulok ...ang lola ko ay mahilig magluto ng mga suso na pahaba, ginagataan nya =)

hello at kitakita ulit tayo sa darating ng Huwebes!

 Posted 2008-04-14 19:11:34

 3. Untitled
adinille, Unregistered

hi Thesserie, masarap yung gintaan kaso ang hirap kainin hehehe. Hanggang sa susunod na Huwebes! *excited ako*

TIN, ang tawa ko talaga sa kwento mo. Made my day today! salamat sa pagtama sa tawag sa kuhol na yan... na suso pala! hala! Di pala natin pwede iluto yan kasi... SI GARY YAN!!!!

 Posted 2008-04-14 23:11:15

 4. Untitled
Meeya, Unregistered

nakakatuwa naman ang iyong lahok sa LP. hugis tatsulok nga naman ang kanyang pwitan. :)

<a href="http://mrsworkinggirl.com/2008/04/10/lp02-tatsulok/">MyMemes: Tatsulok</a>
<a href="http://myparty.mrsworkinggirl.com/2008/04/10/lp02-tatsulok/">MyFinds: Tatsulok</a>

 Posted 2008-04-16 21:12:05

Please keep your comments brief and on topic, and remember that this is not a discussion thread.
Name :
E-mail :
Website :
Comment(s) :

J! Reactions 1.09.00 • General Site License
Copyright © 2006 S. A. DeCaro